Convidámosvos á presentación do documental Deixádeos Pasar que se celebrará este xoves 3 de maio en Compostela. Será ás 17.30 na faculdade de Filosofía, no marco das II Xornadas de Rosalía de Castro a nós que organiza a Asemblea de Mulleres de Galiza Nova, a quen lle queremos agradecer este convite.
A nova produción de Ollo de Vidro chega a Compostela tras a súa estrea en Vigo, onde obtivo unha moi boa acollida por parte do público. A curtametraxe documental trata sobre a pervivencia de Rosalía de Castro e as trabas que a escritora denunciaba e que a día de hoxe aínda segue a padecer a sociedade galega.
Xoves 3 de maio / 17.30 horas / Faculdade de Filosofía (Praza de Mazarelos, Santiago).
Sem comentários:
Enviar um comentário