A Creativa Ollo de Vidro proxecta a súa última obra documental Deixádeos Pasar na Asociación Cultural Vista Alegre (A Bandeira) o día 10 de novembro de 2012 ás 19:30 horas.
Baixo unha estrutura adaptada a Follas Novas, a curtametraxe presenta unha serie de persoas que en función das súas vivenzas interpretan os poemas de Rosalía de Castro pretendendo resolver a pervivencia da escritora na Galiza do novo século.
Os membros do grupo audiovisual: Alberte Mera, Valentina Alonso, Lucía Calvo e Pilar Abades e Pablo Prado darán a coñecer tamén na Bandeira a súa primeira obra “Camiño da Memoria”, tras dous anos de proxección por todo o país.
